உண்மைக்கு அருகில்

வழி வழியாய்

இறங்கும்

மரபும்

மொழியும்

பிரபஞ்சமும்.

காரணம் திருகல்.

மரபணு திருகல்.

மொழியும் திருகல்.

பிரபஞ்சமும் திருகல்.

எல்லாமே ஒன்றிலிருந்து முளைத்தது

ஒன்றிலிருந்து ஒன்று முளைத்தது.

ஒன்றிலிருந்து ஒன்று கிளைத்தது.

ஒன்றிலிருந்து ஒன்று விரிய விரிய

ஒன்றிலிருந்து ஒன்று கிளைக்க கிளைக்க

அந்தந்த இடத்துக்கும் அந்தந்த அர்த்தம்.

எல்லாம் ஒரே அர்த்தம்.

பொருளும் திருகல்தான்.

இது சும்மா இருக்குமா?

பிறப்பதற்கு தான் காரணம் உண்டு.

இருப்பதற்கு காரணம் இல்லை.

இருந்துகொண்டே இருப்பதற்கு என்ன காரணம்.

அடியும் இல்லை

முடியும் இல்லை.

ஆராய வேண்டாம்

அப்படியே பார்.

ஒரே கேள்வி

எனக்குண்டான

என்

வாழ்க்கையை

நான்

வாழ்கிறேனா?

ஆசீர்வாதம்

உனக்கு எல்லா திசைகளிலுமிருந்து

ஆசீர்வாதம் குவிகிறது

அறிந்து

ஏற்றுக்கொள்.

‘நீங்கள் ஏற்கனவே ஆசீர்வதிக்கப்பட்டவர்கள்’

இது ஏசு மொழி.

தோற்றம்

இன்னொன்றைப்போல

என்றால்

வெளிப்படவே வேண்டாம்.

அகங்காரம்

தலை முடி அகங்காரமானது.

முடியை நிர்வகிப்பவர்

தனது அகங்காரத்தை

நிர்வகிக்கிறார்.

ரத்தினங்கள்

ரத்தினங்கள்

விளையுமிடத்தில்

கேட்பாரற்று கிடக்கின்றன.

குப்பை

சேர்த்து

வைப்பதெல்லாம்

குப்பை. 

சேமிப்பு

வாழ்க்கையை செலவழிக்க வேண்டும்.

பொருளைத்தான் சேமிப்பார்கள்.

வாழ்க்கையை சேமித்தால்

கையகல

அளவுக்கு

குறுகி விடுகின்றது.